لا ما مات
قصيدة للشاعر أبو حيدر اللامي
مهداة الى السيد الشهيد محمد صادق الصدر ( قدس الله سره)
عرگ ڇف المنية وڇفه ما عرگان سمعت ايموت
يوم الليل ويغيب النجم ويتيه إهلاله
ما مات الصدر حي يسمع اليشچون مثل جده
الحسين ايشوف من بعده يزيد اشسوه بعياله
حلف ما ساوم ولا باع دينه محمد ابدنياه
طلگها ابثلاثه وشاهده أفعاله
تحزم بلچفن وأولاده كلها اوياه
تركض علمنيه ابزوده وبجاله
دطلع يا صدر خل عينك اتشوف رد النه يزيد
وشمر هم وياه وأشباه الرجال اتساعده أجماله
گال حسين هيهات والف هيهات
مثله أيصيح لا هاب المنية وخطرت أباله
انته ابن الوطن موش الدخيل اعليك
يا شعبي الاجوكم كلهم اوشاله
الصدر بينه ابدمانه ابچلمت التنگال والگال
اعله صادق مات صدگني يتراواله
انه ابن العراق وخطي خط احسين لاجفن التحرك
من شاف الجيوش اصطفت اگباله
عراقك شاب منه الشيب يمحمد
صارولي قياده الچانو احثاله
ما ريد الوطن لوذله بيه انعيش
ولا اريدن مضيف النامت ادلالة
چم طعنه الوكت طعنانه گلنه اتهون
بس طعنه ابظهرنه من الصديچ اتصير چتاله
ما نام ابلحد اللحد نام اوياه
اتوڇه اعله جرحه والجرح شاله
زعل كل العراق اعله الصدر من طاح
من هور العماره الهامت اجباله
گالو مات گلت ما مات لا ما مات صادق حي
گالو ليش گلت ما مات چتاله