حسين عالفطره ولائي --- يبقه اسمي كربلائي

حسين عالفطره ولائي --- يبقه اسمي كربلائي
*

امي رضعتني الشهاده وغرست بقلبي الحنين --- لاتخاذل لاتراجع انصر وكوم استعين
الفطره صارت اعتقادي اتمسك بخط الحسين --- لان دين الله استقام ولاجله مقطوع الوتين
صرخه هزت كل سمائي --- يبقه اسمي كربلائي
*
من المهد اعلن جهادي وسيفي للعتره نصير --- ودرعي ثارات الحسين وكربله احزاني تصير
ماتطخ للذله روحي وترفض الثوب الكصير --- تلبس ثياب الكرامه وترضه شيضم المصير
دهري ماطاوع عنائي --- يبقه اسمي كربلائي
*
انفطم من حر جهنم لان محبوبي الغريب --- ذاك مسلوب العمامه وصاحب الخد التريب
انعجن دمي بترابه والعشك طبعه مريب --- هذا طبع حسين عاشك للبعيد وللقريب
بتربتك اصبح شفائي --- يبقه اسمي كربلائي
*
العشك كلمه وقلتها بسم الحسين وحسن --- ما اشك لحظه بولائي وصرخه بوجوه الفتن
خذت من عابس جنوني بقلب معشوك امتحن --- وابقه اردد هالنداء شما يلاويني الزمن
في صلاتي وفي دعائي --- يبقه اسمي كربلائي
*
افتخر دربي حسيني وصار همي ومطلبي --- رغم كل حاقد عذول وكل منافق ناصبي
عالهويه الموت عاده وابقه ناصب موكبي--- لويوذروني بمحبتك ما افارك مذهبي
ولو يسموني المرائي --- يبقه اسمي كربلائي
*
احسين يلحبك نجاة وفاز كلمن ناصره --- واليضدك ضل ذليل وخسر دنيا واخره
ما ابيع ولا اساوم هذا عهدي الحيدره --- عندي ميزان الوفاء جفوف سبع الكنطره
يرتفع بيهن لوائي --- يبقه اسمي كربلائي
*
النصره مبدا مو كلام وعندي من بيها يقود --- وادري عالموعد اشوفه وحاشه مايكطع يجود
انتفض ثوره واصيح الحاضر الغايب يعود --- يملي دنياي الوسيعه وبالعدل حكمه يسود
الثار يلمهدي رجائي --- يبقه اسمي كربلائي

» حسين سعيد سوف نتاهل
» متدينون بلا دين ....كتابات - حسين عبد الخضر
» يا حسين يا من مزقت بالحزن قلوب البشر
» حسين سعيد يونس محمود قد يشارك وقد يغيب
» الأيام الأخيرة لعدي وقصي صدام حسين

صفحة 1 من اصل 1