الحدمن ياوطن نايم على الغيض وعمره الغيض مانام بثنيتك اسمك صبح مابين الوفيات وحكام العصر باكو هويتك عدمن تشتكي وكله تماثيل ياتمثال يهتم بقظيتك جم حاكم اجاك وشبعك موت ظل ياهو اليجي ايطب بخطيتك حاير ياوطن متكلي اشبيك من يوم الصرت حاير لكيتك ليش بكل وكت مذبوحه هناس وعلى الموت الغصب فاتح شهيتك تمنيتك تفز من نومتك هاي وتشوف اشلون حالك تمنيتك الاف الجناسي استوطنت بيك غافي الحدمن اظل ابغفيتك اصحى ياوطن تاريخك انباك وناطورك الباكه من اهل بيتك كلي ايطيب جرحك ياوطن بيش وعزرائيل هل غافي بريتك اعرفك ماتعرف الخوف فد يوم ومعروف انته بشدات صيتك يابيرغ شرف ياهيبت الكون الدنيا اصيح بشده بحميتك يادله ومضيف وعالي الشان وابالطيبات ماتبخل لكيتك نسيت الاهل بالغربه والاحباب صدك ياوطن بس مانسيتك اشنهيتك موت وادري الموت مكروه بس ماصح بديه انه ولكيتك وعشكتك ياوطن عشك المج انين وعلى دم الضحايه انه هويتك حاير ياوطن متكلي اشبيك من يوم الصرت حاير لكيتك اتخير ياوطن وثنين الك تختار لوطاغيه ايحكمك لو للاستعمار لوتنباع جمله لو حكم جبار عليك الطاح بالطف ياوطن تصرخ الحدمن ساكت ومحتار عليك الكطعوه اجفوفه عليك بشيمت الكرار عليك بداعت الزهره وظلعه ولوعت البسمار مشهوداتلك ياموطني الثورات لاتنسه الحسين اشلون لمآ ثار بشر واحد رفض ماصافح الطغيان ولاهمه يزيد وجيشه الجرار علمنه الحسين التظحيات اشلون اشلون انموت بالعز موتت الاحرار نذر روحه برمح من زاحماه الغيض وكال الموت اوله من ركوب العار اتخير ياوطن وثنين الك تختار مع تحياتي اخوكم مهند العرااااااقي
موضوع: اتخير ياوطن وثنين الك تختار 
الخميس مايو 31, 2007 2:07 pm
![ll :: ]] الــمديــر الـــعامــ ]] :: ll](https://2img.net/i/itest/ranks/stars/stars9.gif "ll :: ]] الــمديــر الـــعامــ ]] :: ll")
