دمعات العين \\ تكتب يحسين
دمعات العين \\ تكتب يحسين
يالساكن وسط اعيوني ** وكل الناس ايـعرفوني
ــــــــــــــــــــــــــــــــــــــــــــــــــ ـــــــــــــــــــــ
ابنــص عيني مكانــك يــا ابو اليمه ** ولو مابيــهه انــته بالطـــبع تعـــمه
من ابچـــي ابدمـعتي تــنكتب كلمه ** علـى خديني اسمك مدمعي ايرسمه
ويظل يزداد \\ يابــو السجاد
مايخلص دمع اجفوني ** وكل الناس ايــعرفوني
ــــــــــــــــــــــــــــــــــــــــــــــــــ ـــــــــــــــــــــــــ
مصابك مو سهل والله يبو الاكبر ** احمله اشلون تدرينـي فــلا اگــدر
گلبي لـو صخر يالغـــالي يتفـسر ** مـن كـَسر الصدر لو حزة المنحر
وجسمك مسلوب \\ ليه روحي اتذوب
ريت ابدالك صابوني ** وكل الناس ايعرفوني
ــــــــــــــــــــــــــــــــــــــــــــــــــ ـــــــــــــــــــــــــ
گلبي امن الحزن تشهد الـه اظلوعه ** إلم قصـة مصابـك فوگــه مطـبوعه
من گطعة اصبعـك بيه الف لوعه **واصـبح من مصابك صدري موسوعه
واسم العنوان \\ مجمع احزان
وبيه اصحابي اينادوني ** وكل الــناس ايعرفوني
ــــــــــــــــــــــــــــــــــــــــــــــــــ ـــــــــــــــــــــــــ
انه اعله الصــبر مابــيه واتحله ** يگلـــولي الدمع مو بـسك اتهله
گلتــلهم انــه نوحي فــلا امـــله ** وعن هذا الحزن ما ثانيه اتخله
يشهد هالكون \\ اتخله اشــلون
ابحزنك اصبح مظموني ** وكل الناس ايعــرفوني
ــــــــــــــــــــــــــــــــــــــــــــــــــ ـــــــــــــــــــــــــ
آلاف المصــايب من تــداهــمـني ** ولا وحــده يــبو اليمه تــغيــرني
ولو مرني مصابك والله يفجـعني ** من نظـرة عيوني ناسي تعـرفني
بــيه الاحزان \\ صارت عنوان
بسم احزاني ايسموني ** وكل النــاس ايعرفوني
ــــــــــــــــــــــــــــــــــــــــــــــــــ ـــــــــــــــــــــــــ
إلم دلالــي لجلـــك ما اظــن يهــده ** لان دلالــك انـــته بي ســهم عــده
يريته الگلبي سهمك سيدي ايمرده ** ويريت ابـدال دمــك دمــي يــتبده
بس لا تنصاب \\ يغلــى الاحباب
بيك احبابي ايسموني ** وكل الناس ايعرفوني
ــــــــــــــــــــــــــــــــــــــــــــــــــ ـــــــــــــــــــــــــ
تظل يحسين عيني تجري مدمعهه ** مُــعلن مـو خــفي اي والله واقــعهه
ولو رادت جمــيع الـناس تمنـــعهه ** لحد ما روحي ملك الموت ينزعهه
ومن بعد الموت \\ اهتــف هالصوت
وبآهاتــي اتدفنـــوني ** وكل الناس ايعرفوني
![ll :: ]] الــمديــر الـــعامــ ]] :: ll](https://2img.net/i/itest/ranks/stars/stars9.gif "ll :: ]] الــمديــر الـــعامــ ]] :: ll")
موضوع: دمعات العين \ تكتب يحسين 
الأحد نوفمبر 25, 2012 1:01 am
