ابا عبد الله . حسين . غريب غريب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
يامــــن اتســألون \\ عن دمع عيني
ودكـــم اتعــرفـون \\ شنهو ماذيني
مصاب ابو السجاد \\ والله عاميني
ابچي ليل انهـار \\ انــــه لحسيـني
ابا عبد الله . حسين .حبيب حبيب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
ابعــالم اطيــوفي \\ شفت ابو اليمه
مرمي عالتربان \\ ورحت انه يمه
گطَع اگــليــبي \\ من شفت جسمه
تنزف اجروحه \\ وســـابح ابدمه
ابا عبد الله . حسين . خضيب خضيب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
عميه ريت العين \\ وجسمه متنظره
وگلبي ياهالناس \\ وشــكبر صــبره
شفت ابو السجاد \\ مرمــي عالغبره
والاشــد واعظم \\ منگـــطع نحـره
ابا عبد الله . حسين .رهيب رهيب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
انعاد يوم الباب \\ وعصرة الزهره
ابكربله ياناس \\ عــادو الـــعصـره
حسين ابو السجاد \\ هشـَمو صدره
اعوجيـه اخيــول \\ سحگته عشره
ابا عبد الله . حسين . تريب تريب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
عاينــــت چـــفــه \\ مختلف وضعه
ومن عرفت الصار \\ نزلت الدمعه
اتخيلت جـــمال \\ خنصره ايگطعه
طمــع بالخــــتم \\ اشگد دني طبعه
ابا عبد الله . حسين . سليب سليب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
شفت ابو اليمه \\ اشگد صعب حاله
امن البعد تنظر \\ الجثـــته اعيــاله
وسهم المِثـــلث \\ مُــــرد دلالـــــه
طلع من ظهره \\ وگـَـطع اوصاله
ابا عبد الله . حسين . يصيب يصيب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
الشمر من شفــته \\ بيده عساله
چان راس حسين \\ حاطه اگباله
وبالرمح هالراس \\ علگه وشاله
حتى من يمشون \\ اتشاهده اعياله
ابا عبد الله . حسين . عجيب عجيب غريب
ــــــــــــــــــــــــــــــــــــــــــــــــــ ـــــــــــــــــــــــــــــــــ
حزني البِوجــهي \\ انــعرفت اسبــابه
هذا حلم حسيـــن \\ للگـــلب صــــابه
چيف ابو السجاد \\ شفت انه امصابه
ودمعتــــي ياناس \\ لجلـــــه لـــــهابه
لبَا عبد الله . حسين . نحيب نحيب غريب
![ll :: ]] الــمديــر الـــعامــ ]] :: ll](https://2img.net/i/itest/ranks/stars/stars9.gif "ll :: ]] الــمديــر الـــعامــ ]] :: ll")
موضوع: ابا عبد الله . حسين . غريب غريب غريب 
الأحد نوفمبر 25, 2012 12:56 am
