صوت الكوفة
ll °o.O عضـو فوق العادة O.o° ll
المشـاركـات : 421
تاريخ التسجيل : 14/04/2007
نقاط : 273
السٌّمعَة : 1
 |  موضوع: الوردة الغريبة (للشاعر المبدع ميثاق الهلالي )  الثلاثاء مايو 08, 2007 3:43 pm | |
| ***الورقه الغريبه***
جان بالطف جدي السابع عشر وي الحسين
ودكت دفوف الحرب 0000000000
وألتمت أطراف السنين000
عطشوا أطفال الحسين وجدي ساكت0000000
خلصوا أنصار الحسين وجدي ساكت0000
طاح أبو فاضل على شط الفرات0000
وأنذبح حتى الرضيع
وجدي ساكت
وبقوا بس أثنين00000
بس جدي وحسين
وصارت عيون الحسين بعين جدي
وجنهن يكلله قاتل
جنهن يكلله شمتاني بعد؟؟؟؟
موهذا حدها
وكام جدي وكامت وياه السنين
وسمع صوت سيوف أميه
شفاف عطشانه لدماء0000
ورجف جدي
ومارضه يقاتل دفاعا عن حسين
ورجع جدي
ورجعت وياه السنين
والحسين أنطاه ورقه
وكله لو شفت الظلم اقرا ورقتي
وثور بوجوه الطغاة
ومن هذاك اليوم
وأمتد الظلم جفه عله شباج الحياة
وشاف جدي شكد ظلم بس ماقره شكال الحسين
يريد يقرا الورقه 0000ويشوف السيوف
يريد يرفع رايه000وتخونه الجفوف
وّّصلت لجدي المنيه
ولبنه سلمها الأمانه
ومن أبو لابنه تدور الورقه
بس مطبكه ومحد فتحها
والمنيه أندارت عله فراش أبوي
وكلي بويه00000
أنطيك ورقه
تشيلها00وماتقره معناها شيكول
شمايمر بيك الظلم وشما يطول
وكصرت الدنيا الطويله
وراح أبوي000000000000
وصلت الورقه ألي
وظلت الورقه بعيده0000
وانه ناسي
ومرت سنين الظلم
وحمولها بكبر الرواسي
وانه خايف
بين أتبع ورقه لو أتبع أبوي
ومره وحده
ردت أكول الورقه بيدي
وخفت من رجفة شفافي وماكلت
أتذكرت جلمات أبوي وبطلت
وظلت الورقه غريبه مدوهنه
لأن كل المرت عليهم طغاة وخونه
من الجد السابع عشر
لاخر أبن
كلهم طغاة وخونه
كلهم طغاة وخونه | |
|
بنت العراق
ll °o.O عضـو منـطلـق O.o° ll
المشـاركـات : 165
العمر : 35
تاريخ التسجيل : 14/04/2007
نقاط : 0
السٌّمعَة : 0
| | موضوع: رد: الوردة الغريبة (للشاعر المبدع ميثاق الهلالي ) السبت مايو 19, 2007 11:51 am | |
| شكرا لك وللشاعر الكبير ميثاق الهلالي | |
|
