صوت الكوفة
ll °o.O عضـو فوق العادة O.o° ll
المشـاركـات : 421
تاريخ التسجيل : 14/04/2007
نقاط : 273
السٌّمعَة : 1
 |  موضوع: قصيدة وحدة العراقللشاعر ميثاق الهلالي  الخميس مايو 03, 2007 4:11 am | |
| مدر روحك نهر ذبلانة شفة الگاع
ورد شمر العطش يتبختر برمحة
مشتـــــاگ الك تحظني بخلگ فلاح
من يلف غترته ويحظن المسحة
تذبحني واذبحك وانه اخوك شلون
چا ليمت احساس المحتل نجرحة؟
جبنه الوطن جثة لغرفة التشريح
گطعنا وصل في حجة نشرحة
نعم دمنه الصبغ واللوحة كاعك هاي
والفرچة شظايا تلطّخ اللوحة
بس احنه وعلي شيعتنه سنة تصير
اذا حانت الساعة وهلهلت فرحة
الواحد ينقسم بس عله نفسه يجوز
ليش تدوخ بيه وتضربه وتطرحة
مو ناصي الجبل بركان بيه يفور
لو مو تفرقة ماتوصل لسفحة
عدنه حسين ميت بالعطش من طاح
بس ياهو ابن ابيه اليگدر يذبحة؟
وتدري انت الوطن طاح عله حد السيف
يوگف عالجرح والتفرقة تطيحة
حط ايدك بدي خل نبني ساس البيت
ونعجنه بدمع وبمستحه نسلحه
وخل نرسم وطن للورد للاطفال
خل نلجم دموع سنينه الوكحة
خل نعبر جرحنه ونلوي خشم الموت
خل ماعون دمهم نكفر بملحة
مثل مافرقونه وذبحوا النهرين
وبدجلة انذبح ملاچنه وفلحة
إلهي بجاه دمعة ام طفل مذبوح
كون بدجلة نلگه التفرقة مطفحة
مد چف الصلح خل تضحك امي شبيك؟
گظتهه مغنتبه وماشافت الفرحة
من اهد ماراح ابنهه وهيه تبي آيات
كل آيه التطيح المصحف تجرحة
عليك بداعة امك لاتسد الباب
تره كلفه وتشور حوبة الملحة
سوه نقفل جرحهه ونسد حلگ الموت
وسوه باب الفرح بعيونهه نفتحه
ونرسم خارطة بسمه عله كبر الگاع
وتراب الدمع عالخارطة نمسحة
ونطيح الطافية الفرقتنه سنين
بچفوف الصلح واليرفض نطيحة
على صدر الوطن جرح الكرامة وشاح
وطن باعظم جرح ربك تره موشحة
الجرح هم بيه صبح بس موصبح تاريخ
غصبا عالظلام يطگ قلم صبحة
غصبا عالظلام يطگ قلم صبحة
| |
|
